सिंह ( मा, मि, मु, मे, मो, टा, टि, टु, टे )
सिंह राशि हुनेहरूको लागि समय उत्तम रहेको छ। सप्तम स्थानमा सूर्य, शुक्र र बुधको गोचरले गर्दा साझेदारी व्यापारमा लाभ रहनेछ। अरुको सहयोगले बिग्रेको काम बन्नेछ। शत्रुहरू पराजित रहनेछन्। परिश्रम वा लगनशीलताले लक्ष्य पूरा गर्न सकिनेछ। मंगलको सप्तम भावमा गोचरले गर्दा दाम्पत्य जीवनमा मनमुटाव बढ्नेछ। आर्थिक कारोबारमा लाभको स्थिति निर्माण गर्न सकिनेछ। १८ गतेदेखि शुक्रको अष्टमभावमा गोचरले गर्दा भावात्मक संवेदनशीलतामा कमी आउनेछ। कुनै पुरानो विषयको कुरालाई लिएर मनमा असन्तोषको भावना जागृत हुनेछ। व्यापार व्यवसायमा पारदर्शिता राख्नुहोला। पढाइ वा प्रेम सम्बन्धलाई लिएर यो महिना सामान्य रहेको छ। बुधको सप्तम स्थानमा गोचरले गर्दा मनोविज्ञानमा गहन अध्ययन र रहस्यमय विषयहरूमा रुचि बढ्नेछ। व्यापार व्यवसायमा बाणीको माध्यमले कार्य सिध्द गर्न सकिनेछ। प्रेम सम्बन्धमा शंका बढ्न सक्छ। रणनीतिको साथ कार्य गर्नुहोस् भविष्यमा लाभ मिल्नेछ। नोकरी वा पेशामा काम गर्नेहरूको लागि समय राम्रो रहेको छ। कार्यक्षेत्रमा आफ्नो सक्रियता जनाउन सकिने छ भने जटिल विषयहरूमा उच्च अधिकारीहरूको साथ पाइनेछ। स्वास्थ्यको दृष्टिकोणले समय सामान्य रहेको छ। अनावश्यक तनाव र हार्मोन सम्बन्धी समस्या साथै चर्मरोग सम्बन्धी समस्या देखा पर्ला।
View All monthly Rashifal
Liked by:
