धनु ( ये, यो, भा, भि, भु, धा, फा, ढा, भे )
धनु राशि हुनेहरूका लागि यो समय सामान्य रहेको छ। तृतीय भावमा शुक्र, सूर्य र बुधको गोचरले गर्दा साहित्य क्षेत्रबाट आयमा वृद्धिको संकेत देखिएको छ। नवम भावमा दृष्टिले गर्दा भाग्यको सहयोग पाइनेछ। अनावश्यक खर्चबाट बच्नुहोला। पराक्रमद्वारा अधिकार स्थापित गर्न सकिनेछ। मंगलको द्वितीय स्थानमा गोचरले गर्दा बाणी प्रभावशाली नरहला। वैदेशिक क्षेत्र र व्यापारबाट राम्रो आम्दानी हुनेछ। आफन्तहरूसंग आत्मीयता बढ्नेछ। अधिकार प्राप्तिको लागि संघर्ष गर्नुपर्ला। पारिवारिक समस्याबाट मुक्ति मिल्नेछ। अधुरा कार्यहरू पूरा हुँदै जानेछन्। सम्बन्धलाई लिएर यो महिना सकारात्मक रहनेछ। विद्यार्थीहरूलाई कठिन विषयहरूमा सफलता प्राप्त हुनेछ भने नोकरी वा पेशामा प्रतिस्पर्धीहरूको चलखेल बढ्नेछ। महिनाको मध्यदेखि शुक्रको चतुर्थ भावमा गोचरले गर्दा घरपरिवारमा चलिरहेको विपरीत परिस्थितिलाई अनुकूल बनाउन सकिनेछ। समस्या दर्शाउँदा सहयोगीहरूको साथ पाइनेछ। स्वास्थ्यको दृष्टिकोणले यो महिना सामान्य रहेको छ। छाती र पेट सम्बन्धित सानोतिनो समस्या देखा पर्नेछ। यात्राको दौरान थकान महसुस हुनेछ।
View All monthly Rashifal
Liked by:
