नेपाल सरकारले कोरोना नियन्त्रणको निमित्त लगाएको निषेधाज्ञाको उल्लंघन गर्दै आज स्थानीयले रातो मछिन्द्रनाथको रथ तान्न थालेपछि प्रहरीले रोक्न खोज्दा आज दिनभर पुल्चोकको स्थिति तनावग्रस्त रह्यो । स्थानीय युवा र प्रहरीबीच झडप हुँदा युवा प्रदर्शनकारीले प्रहरीलाई ढुंगा प्रहार गरेका थिए भने प्रहरीले पानीको फोहोरा र अश्रु ग्यासको साहयता लिनु परेको थियो । उक्त झडपमा थुप्रै प्रहरी र युवाहरु घाइते भएका छन् । त्यसबाहेक हिजो राती बाग्लुङ्गको ढोरपाटन नगरपालिकामा गएको पहिरोमा परेका ११ जनाको शव भेटिएको छ भने यो रिपोर्ट तयार पार्दा सम्म अझ ४0 जना बेपत्ता छन् । भूजी खोलामा आएको बाढीले ढोरपाटन नगरपालिकाको ५ वटा वडामा ३१ वटाभन्दा बढी घर बगाएको छ ।