आज भारतका पुर्व राष्ट्रपति प्रणव मुखर्जीको ८४ वर्षको उमेरमा निधन भएको छ । ब्रेन सर्जरी गरिएको मुखर्जीलाई कोरोना संक्रमण समेत भएको थियो । त्यसबाहेक, आज काठमाडौँ महानगरपालिकाका मेयर विद्या सुन्दर शाक्यलाई कोरोना संक्रमण भएको पुष्टि भएको छ । शाक्यको श्रीमतीलाई सन्चो नभएपछि दुई दिन अघि उनको परिवारको स्वाब परिक्षण गरिएको थियो । आज आएको रिपोर्टमा मेयर शाक्यको पत्नीको रिपोर्ट नेगेटिभ तर विद्या सुन्दर शाक्यको रिपोर्ट भने पोजिटिभ आएको छ । कुनै लक्षण नदेखिएका मेयर शाक्य अहिले होम आइसोलेशनमा छन् ।