भन्सारबाट सशस्त्र प्रहरी हटाउने गृह मन्त्रालयको निर्णय, भारतका पुर्व राष्ट्रपति प्रणव मुखर्जीलाई कोरोना संक्रमण
आज सरकारले भन्सारबाट सशस्त्र प्रहरीलाई हटाउने निर्णय गरेको छ । गृह मन्त्रालयले औद्योगिक, राजस्व चुहावट र भन्सार सुरक्षा गरी तीन वटा क्षेत्रमा परिचालन गरिएको सशस्त्र प्रहरीको गुल्मलाई हटाएर “बिओपी” अर्थात बोर्डर आउट पोइन्ट स्थापना गर्ने प्रस्ताव गरेपछि मन्त्रिपरिषद्ले यसको लागि स्वीकृती जनाएको हो । भारतमा भयावय रुपमा फैलिएको कोरोना संक्रमणदेखि राजनीतिज्ञ र चलचित्रकर्मीहरु पनि अछुतो रहन सकेनन्। अमिताभ बच्चन लामो समय कोरोनाको उपचारपछि स्वस्थ भएर घर फर्किए भने उनि घर गएकै दिन भारतका केन्द्रीय गृहमन्त्री अमित शाहलाई कोरोनाको पुष्टि भएको थियो । त्यसैगरी आज भारतको पुर्व राष्ट्रपति प्रणव मुखर्जीलाई समेत कोरोना पुष्टि भएको ठूलो खबर सुनिएको छ । अन्य स्वास्थ्य समस्या चेकजाँच गराउन अस्पताल पुगेका प्रणव मुखर्जीलाई कोरोना जाँच गर्दा संक्रमण देखिएको हो । पुर्व राष्ट्रपति मुखर्जीले आफ्नो ट्विटरमा आफूलाई कोरोना भएको सबैलाई जानकारी गराएका छन् ।