समुदाय स्तरमा कोरोना देखिएपछि सप्तरीको राजविराजमा जिल्ला प्रशासन कार्यालयले आज बिहान ५ बजेदेखि अनिश्चितकालीन कर्फ्यु लगाएको छ । अब अर्को आदेश नआउँदा सम्म अति आवश्यक कार्य भन्दा बाहेक कसैले हिडडुल गर्न नपाउने गरी जिप्रकाले निषेधाज्ञा जारी गरेको हो । आफ्नो श्रीमतीको हत्या गरेको आरोपमा २०६८ सालमा थुनामा परेका सशस्त्र प्रहरीका पूर्वडीआइजी रञ्जन कोइराला आज डिल्लीबजार स्थित कारागारबाट थुनामुक्त भएका छन् । जन्मकैदको सजाय काटीरहेका पूर्वडीआइजीको नाबालक छोराहरुको भविष्यमा प्रभाव पर्ने देखिएको भन्दै अदालतले कोइरालाको सजायमा कटौती गरेको हो ।