कोरोना महामारीको कारण लामो समय देखि बन्द भएको अन्तर्राष्ट्रिय उडानहरु यहि भाद्र महिनाको १६ गतेबाट केही देशको लागि संचालन गर्ने सरकारले आज निर्णय गरेको छ । सरकारले यात्रुहरुको यात्रा गर्ने ७२ घण्टा अघिको पीसीआर नेगेटिभ रिपोर्ट हुनुपर्ने नियम ल्याएको छ । पीसीआर परीक्षणको व्यवास्था नभएको देशबाट भने तत्काल उडान नगर्ने निर्णय आजको मन्त्रिपरिषदको बैठकले गरेको हो । त्यसबाहेक, आज एकदिनमा नेपालमा सबैभन्दा धेरै कोरोना संक्रमितको मृत्यु भएको छ । पछिल्लो २४ घण्टामा एक महिला र १० पुरुष गरी थप ११ जना संक्रमितको मृत्यु भएको हो । यससँगै कोरोना संक्रमणबाट अहिलेसम्म नेपालमा मृत्यु हुनेको सङ्ख्या १३७ पुगेको छ।