हिन्दी सिनेमा जगतका सुपरस्टार अमिताभ बच्चन आज कोरोना मुक्त भएर घर फर्किएका छन् । यहि जुलाई ११ तारिखमा उनि लगायत उनको परिवारमा छाेरा अभिषेक बच्चन, बुहारी ऐश्वर्या राय बच्चन र नातिनी आराध्या बच्चनलाई समेत कोरोना पुष्टि भएको थियो । लामो समय मुम्बईको नानावती अस्पतालमा भर्ना भएका अमिताभले ट्वीटर मार्फत आफ्नो प्रशंसकहरुलाई धन्यवाद दिएका छन् । ऐश्वर्या र नातिनी आराध्या बच्चन केहि समय अघि नै कोरोना मुक्त भएर घर फर्कीसकेका थिए भने अभिषेक बच्चन अझ उपचाररत नै छन् । एकतर्फ भारतका लोकप्रिय कलाकार आजकै दिन कोरोना मुक्त भएका छन् भने अर्कोतर्फ भारतका केन्द्रीय गृहमन्त्री अमित शाहलाई आज कोरोना भएको पुष्टि भएपछि अस्पताल भर्ना गरिएको छ । त्यसबाहेक आन्तरिक विवाद सुल्झाउन आज बसेको नेकपाका अध्यक्षद्वय केपी शर्मा ओली र पुष्पकमल दाहालबीचको छलफल पुन बिना निष्कर्ष नै टुंगिएको छ । निरन्तर छलफल गरेर विवाद सुल्झाउन खोजेपनि दुवैजनाले आ–आफ्नो अडान नछाडेपछि सहमति जुट्न नसकेको खबर केहि समयअघि देखिनै चर्चामा रहेको छ ।