प्रदेश ५ को स्थायी स्थायी राजधानी दाङको भालुवाङ बनाउने भनिएसँगै बुटवलमा विरोध प्रदर्शन आक्रामक बन्दै गएको छ । शनिवार देखि चर्किएको आन्दोलनको प्रभाव कम पार्न रुपन्देही प्रशासनले बुटवलको विभिन्न स्थानहरुमा ४ दिनसम्म निषेधाज्ञा जारी गर्दा समेत आज बुटवलमा विरोध प्रदर्शन भइरह्यो । राजधानी दाङको भालुवाङ सार्ने प्रस्तावमा असन्तुष्ट भएका नेपाली कांग्रेसका कार्यकर्ताहरुले आज उक्त प्रदेशको मुख्यमन्त्री शंकर पोखरेल चढेको गाडीमा ढुंगा प्रहार समेत गरेका थिए । नेकपाका केही सांसदहरुले समेत दाङ राजधानी बनाउन ठिक नभएको भन्दै नोट अफ डिसेन्ट लेखेर विरोध गरेका छन् ।